imbalâ im|ba|lâ [BF]
- v.tr. fâ sù un materiâl in cuantitâts dadis dongje a strent: un model di locomotive a vapôr colegade a une machine par imbalâ [la paie] (Venusia Dominici, La passion di un imprenditôr deventade museu)
- v.tr. fâ sù un materiâl o un prodot cun alc di fof, di maniere che al sedi parât e che no si rompi, soredut tun traspuart o stant tun magazen: pacs e pacuts par imbalâ ogni robe (Walter Tomada, Avostanis 2010: nuie di masse e tant di plui)
- v.tr. fâ che alc al cjapi une forme di bale, une forme sferiche: la femine i presente, / cjalde, fumante e tenare / ne slepe di polente. / La cjape in man, la imbale / "Polente no mi plâs... / bêçs dami..." e je la sgnache, / par compliment, sul nâs (Zaneto, Miserie o vizi?)
- v.tr. [TS] zûcs, sport tal biliart, fâ lâ la proprie bale intune posizion li che l'aversari nol pues lâ a tocjâle cuntun tîr dret
- v.tr. [TS] mec. fâ zirâ un motôr une vore svelt, cence che al vedi la marcje ingranade, riscjant ancje di vuastâlu: il Shell al faseve lâ sù di zîrs il motôr che lu imbalave (Dino Virgili, La strade come un destin)
