ideologjic /-lò-/ i|de|o|lo|gjic [AF]
- adi. che al rivuarde une o plui ideologjiis: intai prins mês di vite de "Patrie dal Friûl", al capite da spes che a sedin i intervents di dialic cui letôrs chei dulà che si discuvierç miôr l'implant ideologjic e ideâl dai redatôrs (Max Mauro, Felix Marchi e il sium dal furlan-furlan); tune realtât di scuintri ideologjic tra capitalisim liberâl (Ocident) e statalisim cumunist (Union Sovietiche) (Renzo Balzan, Scuintri fra civiltâts)
- adi. che si poie suntune ideologjie: a cjataran une justificazion ideologjiche e teologjiche di dut chest flagjel (Antoni Beline, Une puare pâs par une vuere sbalade)
- adi. (spres.) che si lasse influençâ masse di une suaze di ideis predefinide, sufuarçant la percezion e la interpretazion de realtât: su chest cantìn bisugne dî, come minim, che l'amì Strassolt al cjale la realtât cul prejudizi ideologjic (Anna Bogaro, Autonomisim, di ce bande?); chestis dissiplinis a son une vore plui diversificadis e complessis des frasis fatis o des semplificazions ideologjichis (Franc Fari, Il cjâf dai furlans)