gurizan
/-àn/
gu|ri|zan
[AF]
-
adi.
di Gurize:
il prin di Setembar, tant che a àn concuardât, Casanova al va te cjase gurizane dal cont, ma no lu cjate (Pierluigi Visintin, Friûl e furlans te Histoire de ma vie di Giacomo Casanova)
-
adi., s.m.
che, cui che al è nassût o che al è a stâ a Gurize:
dopo trente e plui agn che no eri stât, / foi a Gurize par un cuatri dîs / dai miei parincj e amîs. / Capii che i gurizans / son propri vêrs furlans; / amants del furistîr, / lu viodin e lu tratin vulintîr (Pieri Çorut, Çorut a Gurize)
-
[TS]
ling.
varietât furlane tipiche di Gurize:
un puest viart, dulà che la int ven e zuia di cjartis e favela cui par sloven, cui par arabic, cui par gurizan, cui par talian, cui par todesc, cui par furlan, swaili, cinês, rus! Dut va ben, basta che sedi un zuf di dut! (Stiefin Morat, Donald dal Tiliment)
-
adi.
dal teritori, de Contee o de provincie di Gurize:
la brame di tornâ a poleâ la Glesie gurizane daûr la flusumie di une cualsisei diocesi taliane (Luche Nazzi, Int di sant Ermacure?)
-
adi., s.m.
che, cui che al è nassût o che al è a stâ tal teritori, te Contee o te provincie di Gurize:
o vin simpri scombatût par un ordenament che al des sodisfazion aes esigjencis di ducj i autonomiscj sincîrs: udinês, gurizans, cjargnei, sclâfs e todescs (Josef Marchet, Esam di cussience)
-
s.m.
soredut cun iniz. maiusc., teritori che al à Gurize tant che capitâl o tant che riferiment:
progjets pal disvilup economic, sociâl, culturâl che a vadin dal gurizan, al udinês, al pordenonês, ae Cjargne (Arnalt Baracêt, Assemblee dal Friûl simpri plui dongje);
finide la prime Vuere Mondiâl, ancje il Gurizan al jere passâts de aministrazion austriache sot chê dal Stât talian (Antonella Lanfrit, I 90 de Filologjiche Furlane)