Dizionari de Lenghe Furlane

gramaticâl  gra|ma|ti|câl  [AF]

1. adi. de gramatiche, dal complès des convenzions e des normis di scriture, di pronunzie, di morfologjie e di sintassi di un idiome, dal lôr studi, de lôr aplicazion e v.i.:  come ogni peraule, frase e regule gramaticâl a fasin tignî sù un discors e lu rindin plui o mancul biel, cussì ogni piere, decorazion, tecniche costrutive e stîl a rindin ai nestris voi un edifici plui o mancul plasevul (Marino Masuino, Architeture: la art di capîle); [te Patrie dal Friûl ]al jere za comparît chel gno prin scrit par furlan che o vevi mandât nome par vê un judizi di interès gramaticâl e di grafie (Lelo Cjanton, Cuintri de retoriche)
2. adi. (fig.) di lengaç, mût di esprimisi e v.i., coret ma ancje elaborât e dificil di capî:  tal so puest al fo mandât Floride, bon e brâf, grant predicjadôr; nome che al fevelave un pôc masse gramaticâl e che al tirave un tic masse a siôr (Riedo Pup, Predis di ogni fate)
3. adi., s.f. [FÛ, TS] scol. cal cors di studis che, fin tal secul XIX, al corispuindeve plui o mancul al gjinasi, che al cjapave dentri arlêfs plui o mancul dai 11 ai 15 agns:  al à fat lis gramaticâls in Seminari (Giulio Andrea Pirona, Novo vocabolario friulano)