grafic
/-à-/
gra|fic
[AF]
-
adi.
che al tocje la grafie, la scriture:
[cu la LR 15/1996] si met, fat fondamentâl, une peraule definitive su la normalizazion grafiche dal furlan (Max Mauro, Un Friûl difarent: i 90 mhz di Onde Furlane);
se il coretôr nol cjate une peraule, indi vegnin conseadis altris che a vedin une forme grafiche similâr (Ricart Urban, Il mestri eletronic)
-
adi.
de rapresentazion, dai dissens, des figuris, des formis e v.i.:
la acuile di aur in cjamp turchin […] e ven di lontan, di chê dal patriarcje Bertrant, ma e à un dissen grafic definît nancje 50 agns indaûr (Walter Tomada, Zorç Jus, l’inventôr de nestre bandiere di vuê)
-
che al è costituît di un dissen, di une figure:
la schede e je stade studiade par fâ imparâ a ogni rilevadôr un tic di competence par cjapâ notis scritis e grafichis (Dario Chialchia, Diari di un progjet didatic: etnografie par furlan te scuele)
-
de incision, che al è costituît di une incision:
di gnot si dedicave ae Xilografie, e intant si preparave a organizâ lis sôs mostris di art grafiche (Bepi Agostinis, Storie de art in Friûl)
-
adi.
de art, de tecniche de stampe, de composizion, forme e de disposizion di imagjins e tescj intune opare di publicâ:
[te edizion di "Il piçul princip"] no si podeve cambiâ nuie nancje dal pont di viste grafic, rispiet al origjinâl (Dree Venier, «No esistin piçulis leteraturis»);
12 pagjinis intune biele mude grafiche e in cuadricromie (Fabian Ros, Il Comun di Udin al publiche un periodic bilengâl)
-
s.m.
rapresentazion schematiche de ande di un fenomen:
al tire fûr de stampant un A4 e al dissegne grafics, freçutis e ûfs, cun dentri concets (Oscar Puntel, Voie di capî);
des domandis ponudis al campion sun chest argument al ven fûr il grafic ripuartât chi in bande (Roberta Melchior, Il furlan tal tierç milenari: une lenghe cence famee)
Sin. diagram
, scheme
-
s.m.
artist o tecnic che al lavore componint e impagjinant contignûts pe stampe, pe comunicazion e v.i.:
300 dipendents, tra gjornaliscj, tecnics, grafics, aministratîfs e altris figuris professionâls (Marc Stolf, Lenghe e identitât a zovin a economie e disvilup)