Dizionari de Lenghe Furlane

gotic  /gò-/  go|tic  [CO, TS]

1. adi., s.m. [TS] stor. dal popul antîc dai Gôts, che, cui che al faseve part dal popul dai Gôts:  une vore di lôr [dai Langobarts] a jerin stâts in Italie a batisi cuintri i bizantins, dongje dai gotics (Josef Marchet, Cuintristorie dal Friûl fin sot la Italie)
   Sin. gôt
   
   1. adi., s.m. [TS] ling. lenghe dai Gôts, che e faseve part des lenghis gjermanichis orientâls:  inta cheste declinazion chi, si podarès viodii un inflùs dal gotic (Zorç Cadorin, Cualchi ipotesi sul furlan di prin di scrivilu)
2. s.m. [TS] arch., art stîl artistic difondût in Europe tacant dal secul XII, caraterizât plui di dut te architeture pe tension ae verticalitât:  ancje te sculture si sint l’aiar dal rinovament che al puarte il gnûf lengaç artistic dal Rinassiment. Il gotic al scomence a lassâ il puest al umanisim (Bepi Agostinis, Storie de art in Friûl)
   
   1. adi. di opare, monument e v.i., che al va daûr des normis di chel stîl:  la glesie di sant Micjêl, une splendide gleseute gotiche dal Cuatricent (Antoni Beline, La fabriche dai predis)
3. s.m. [TS] tipogr. caratar tipografic fis e spiçât, tipic ancjemò vuê di ciertis stampis dai paîs gjermanics:  la etichete e jere aur, rosse e blu a cuadrei e cu la scrite par gotic: Prinz Beer (Checo Tam, Sense)
   
   1. adi. scrit cun chei caratars
4. s.m. [TS] art, mus., let. stîl artistic moderni, ancje musicâl, leterari e v.i., caraterizât di une atmosfere scure e di misteri:  dopo o vin il gotic incrosât cul heavy-metal; a me l'heavymetal mi à simpri fat schifo ma cuant che si è unît al gotic alore al à tacât a plasêmi (Checo Tam, La maree nere)
   
   1. adi. che al va daûr di chel stîl:  ancje al dì di vuê par ogni estimatôr de musiche "dark" o dal "rock" gotic i "Cure", cun pôcs altris complès, a son une sorte di biblie (Checo Tam, ROCK NOW NETTUNO, AI 10 DI AVOST DAL ’85)