glacere
/-cè-/
gla|ce|re
[CO]
-
s.f.
mobil, dispès picjât fûr di un barcon, a tramontane, li che si meteve glace e li che si tignive la robe in fresc, prime che a fossin i frigorifars:
e meteve ûfs e verdure dentri de glacere (Gianni Gregoricchio, Îr e doman);
il prin frigorifar in Europe cuntun sisteme automatic par disglaçâ, che al mande in pension par simpri la vecje glacere (Angelo Floramo, Cuintristorie dal Nûfcent 1940-1950)
-
s.f.
fabriche di glace:
barbe Fredo al lavorave inte glacere, produsint ancje vincjecinc cuintâi di glace in dì (Cristina Noacco, Faliscjis)
-
s.f.
puest cuviert di glace
-
s.f.
(fig.)
puest, ambient, cjase, cjamare e v.i. li che al è une vore frêt:
e ben che la mê cjase è une glacere / tant e tant mi ai parât par l'Unviar (Pieri Çorut, Il Strolic furlan par l'an 1836);
mi àn vût dit che lôr a vignaressin di plui in glesie se no fos chê glacere che e je (Josef Marchet, Lis predicjis dal muini)
-
aiar frêt, timp frêt:
je saltada fûr la buera / e chist frêt supera dut, / se difûr je la glassera, / culì drenti stin binut (Popolâr - Francesco Spessot, Je saltada fûr la buera - Viloti furlanis respadis a Fara e lenti intor)
