gjeometre /-ò-/ gje|o|me|tre [CO]
- s.m. professionist diplomât che al è abilitât a fâ misurazions di terens, rilêfs, periziis e progjetazion e direzion di lavôrs in costruzions civîls di dimensions avonde piçulis: i prins agns di scuele superiôr si jerin indreçâts ai studis tecnics cjapant il diplome di gjeometre (Bepi Agostinis, Storie de art in Friûl); «Viôt di cjalâ ben trop che al è grant il garage Valter, a nol è pussibil che o vedin di smontâ tal curtîl par vie che, se no, no si rive a jessi des puartieris, dai. E sì che tu sês gjeometre».«A nol è il garage, e je la machine che o ai cjolt, masse grande» (Maurizio Mattiuzza, Al prossim casting ti sielzin te)