gjeneralizâ gje|ne|ra|li|zâ [CO]
- v.tr. fâ deventâ gjenerâl, slargjâ a nivel gjenerâl: la scuele publiche e à gjeneralizât la capacitât di lei e scrivi
- v.tr. slargjâ un resonament, un concet o une osservazion particolâr a un nivel gjenerâl, ancje in maniere improprie: e à començât a rivâ la gnove culture: chê che i vecjos furlans a clamin, semplificant e gjeneralizant, la culture dai triestins: «tanto ciapo e tanto magno» (Riedo Pup, I furlans e i bêçs); lis pachis che a stan cjapant lis Coop dal setôr de distribuzion a son sot il voi di ducj. Atenzion però a no gjeneralizâ, parcè che esemplis di sucès no mancjin (David Zanirato, La Cjargne che e resist)