gjarle gjar|le [CO, TS]
- s.f. ornit.com. uciel dal gjenar Lanius, in particolâr de specie Lanius collurio: la gjarle a è tal nît, / e à sot i ucieluts (Argeo, Ploie in campagne); cuant che gno barbe Norio al jere frut, lui, so cusin Vili e il so amì Gjigji a decidin di lâ a nîts di gjarle (Meni Valan, Ûfs di gjarle)
- s.f. (fig., spres.) femine, soredut fantate, pôc inteligjente: in dì di vuê, a son une vorute di gjarlis che a volaressin intivâsi tes carognis simpatichis e unîsi cun lôr, cu la sperance che a vebin di restâ simpatichis cu la femine e carognis cun chei altris (Josef Marchet, Lis predicjis dal muini)
