gjambar1
/gjà-/
gjam|bar
[AF, TS]
-
s.m.
zool.com.
non comun di diviersis speciis di crustacis di aghe dolce o salade dal ordin dai Decapots, che a àn la carateristiche di cjaminâ devantdaûr, dispès une vore preseâts di mangjâ:
lava cjapâ crots e gjambars tal Liac e ussei cui vergons ta tesa dal Lapagna (Ranieri Mario Cossâr, Luisut e il cjalcjut)
-
(ancje fig.)
ancje in metaforis o paragons par alc o cdn. che al va indaûr invezit che indevant o che al è ros:
ma se o ai di dîle mi pâr che si vadi indenant piês dai gjambars (Guido Antonioli, Florean dal Palaç, I, 1);
doi di lôr si inrabiarin, tacant a dîsi di dut, e un, ros tant che un gjambar, al butà lis cjartis su la taule (Carlo Sgorlon, Prime di sere)
-
s.m.
astron., astrol.
soredut cun iniz. maiusc., costelazion zodiacâl, jenfri i Zimui e il Leon, lat. Cancer:
la costelazion dal Gjambar: il gjambar paralizât dal trimul, par latin torpedo, al è il soreli intal solstizi (solis statio = fermade dal soreli (Giovanni Battauz, Flavio Cossar, Renato Iacumin, I mosaics de basiliche di Aquilee)
-
segn zodiacâl che al corispuint a chê costelazion, che al ten sot chei che a son nassûts jenfri i 22 di Jugn e i 22 di Lui:
in struc: i furlans nassûts tal segn dal gjambar a son normalmentri plui ledrôs di chei altris (Bete di Spere, Zodiac furlan. Gjambar)
-
s.m., adi.inv.
che, cui che al è nassût sot di chel segn zodiacâl
Proverbis:
- bisugne lescjâ par cjapâ gjambars
- daspò mangjâts i gjambars si supe lis çatis
- i gjambars a son bogns in chel mês che al jentre l'ere
- la lune no à ce fâ cui gjambars
- sante Catarine cent gjambars par tanine