gabiot
/-òt/
ga|bi|ot
[CO]
-
s.m.
cualsisei spazi o ambient avonde piçul, cuviert e sierât, ancje no dal dut, di stangjis, breis, parêts, paradanis e v.i.:
lis stanziis des scuelis a jerin prontis cui gabiots pal vôt (Pieri Somede dai Marcs, Lis votazions);
un dai daziârs, stant su la puarte dal gabiot i domandà: "Dulà vadial, sâr Jacum?" (Angelo Covazzi, I pulçs);
sgarfât intal gabiot dai imprescj, si jere armade di un pâr di fuarpiis di chês che si dopre par cerpî lis vîts (Franca Mainardis, A ôr dal flum)
Var. cabiot
-
spazi sierât di stangjis par impedî di scjampâ:
mancumâl che ju àn brincâts, cjariâts sui gabiots e menâts vie (Riedo Pup, Lis mudantis tricolôr)