furmiâr
fur|mi|âr
[CO]
-
s.m.
nît di furmiis:
si jere stranade un pocje di farine sul orli dal rivâl e za une file nere di furmiis che a levin e vignivin le cjapavin sù par puartâle tal lôr furmiâr (Giuseppe Ferdinando del Torre, Il contadinel. Lunari par l'an 1869)
-
s.m.
(fig.)
grande cuantitât di personis, bestiis o robis che si movin in maniere che e somee disordenade:
di gnot, remenantmi sun chê sachere plene di stranc pestât come il tabac, tra un furmiâr di pulçs (Pieri Menis, La scuele dai fornasîrs);
la sere de domenie al jere un furmiâr di int a fâ la code (Antoni Beline, Pre Pitin);
la Statue de Libertât, il zardin des plantis e des bestiis, l'aeropuart, anzit plui di un, e sot un furmiâr di machinis (Vico Bressan, Cîl e aghe)
Sin. 'siminâ
-
lûc dulà che, in pôc spazi, e je une grande cuantitât di personis
-
grum di robis che si somee cuntun nît di furmiis:
nol finive mai di tirâju fûr [bêçs]: l'un dopo l'altri a 'nd veve gjavâts un furmiâr (Catarine Percude, Il solt del Signôr)
-
reazion agjitade, alarmade, di plui personis o sogjets:
tu viodarâs, Floreanut, ce furmiâr che tu dismovarâs; tu viodarâs cetancj groputs che a vignaran tal pietin, se la justizie si metarà a sgarfâ tai tiei afârs (Josef Marchet, Lis predicjis dal muini)
Proverbis:
- cuant che al cjante il furmiâr, cirît sotet pes bestiis e pal cjar
