fulminant2 /-ànt/ ful|mi|nant [AF]
-
s.m.
stecut di len cul cjâf fat di une sostance che e cjape fûc cul freâle, che si dopre par impiâ:
la femine e lasse colâ te cinise il fulminant a pene impiât (Pieri Menis, Pascute);
e cirì i fulminants a palpe, tornant a impiâ il mocul (Gianni Gregoricchio, Trê feminis)
Sin. prospar2 , solfar
Var. fuminant , furminant- (fig.) in paragons o metaforis, in riferiment a cui che si inrabie a colp e ancje par motîfs di nuie: a tocjâi chê frute, chel benedet om li, si impie come un fulminant (Anute Fabris, A passe la scalmane)
- cui che al ten cont di un fulminant nol vâl un fulminant