frustrazion /-òn/ frus|tra|zi|on [CO, TS]
- s.f. psic. sensazion di displasê e di impotence par alc che no si rive a fâ o a otignî o par une situazion calcolade negative di li che no si rive a vignî fûr: un sens di frustrazion e di conflit par un lavôr che nol plaseve e nol gratificave (Antoni Beline, La fabriche dai predis)
- s.f. episodi, fat, situazion che a causin displasê, delusion, sens di impotence: la Bolivie e à vivût [...] frustrazions tremendis. Une di chestis, salacor la piês di dutis, e je la mancjance di partecipazion reâl dai contadins quechuas e aymaras ae vite economiche, politiche e sociâl dal paîs (Fabian Ros, Indipendence)