frontâl
fron|tâl
[CO]
-
adi.
che al rivuarde il cerneli o che al è in corispondence dal cerneli tant che part anatomiche:
i oms a àn vût - inte lôr evoluzion - un grant disvilup dal lobi temporâl e dal lobi frontâl dal cerviel (Franc Fari, Il cjâf dai furlans)
-
adi.
di denant, che al è viodût di denant o che al è metût denant o sim.:
il puarti al è stât rifat intal secul passât, plui alt di chel di prime (che forsit al jere dal Cinccent), tignût sù di doi pilastris frontâi e un laterâl a çampe (Antoni Beline, Sant Jacum, là che al finìs il mont)
-
adi.
pedag.
di maniere di insegnâ, che e met i arlêfs di front dal insegnant in oposizion a cuant che chest si met tal grup dai students:
300 oris di insegnament, dividudis in: 85 di lezion frontâl, 115 di laboratori pratic e 100 di tirocini e di elaborât finâl (Patrizia Pavatti, La tutele de lenghe furlane a scuele)
-
s.m.
scuintri di doi mieçs di traspuart che a vegnin di direzions contrariis:
il gjornâl al ripuarte di un incident, un frontâl, a pene fûr Sclaunic, pôc dopo passade la miezegnot (Raffaele Serafini, Altris contis di famee)
Sin. incident frontâl
, scuintri frontâl