for
/-ò-/
for
[AF]
-
s.m.
struture di modon o materiâl refratari li che si pie il fûc e si met dentri robe a cuei, soredut pan:
ti viôt li fiis che ridin e cjantin e mangjin e bevin e scjaldin el for par fâ fuiacis (Dolfo Zorzut, El miluç di aur)
Sin. forn
Cfr. spolert
-
eletrodomestic cun chê stesse funzion:
fâ strissulis avonde lungjis di stâ tal for e largjis un pâr di centimetris; poiâlis su la plache e meti tal for a 200 grâts par 25 minûts (Margherita Timeus, Un Nadâl dolç dolç cui piçui scaletîrs)
-
cuantitât di robe cuete intune volte:
chel fornâr al fâs cuatri fors di pan in dì (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
là jara simpri a man una fassorona cu la fritura di vigjel, un for di pan cunsât, una pladina di pistun e po vin di dôs cualitâts (Ranieri Mario Cossâr, Gnossis gurissanis)
Sin. infornade
, fornade
-
s.m.
lavoratori li che si fâs e buteghe li che si vent il pan e altris prodots tant che biscots o dolçs:
in Cjargne lis vilis fûr di man a vevin in comun il for e il mulin (Luigi Gortani, Al marcjât di Vile);
jo zei di prin, passât che i vei il tor, / parcè che i no vedevi cristian, / cussì biel cêt a la volta dal for / par vedê se cualcun faseva pan (Eusebi Stele, Se par vostra bontât vorês scoltâ);
In Greçan al è un for che al fâs ancje di scaletarie (Gianni Gregoricchio, Îr e doman)
Sin. buteghe di fornâr
, panatarie
, pecarie
, pistorie
-
s.m.
[TS]
tecn.
aparât, ancje une vore grant, che al prodûs une temperadure alte par scjaldâ, cuei o fondi il materiâl par lavorazions industriâls o artesanâls:
Culau dal Lunc Cjabrin al stampà lui il prin modon cu la sô cifre di sù: co al fo suiât te place, lu metè in grice, tal cjanton, po in curtiel tal for (Dino Virgili, La aghe da pît la cleve);
si beveve in ligrie e par chel moment no jere diference fra sorestants e lavoradôrs, fra stampadôrs e fruts, fra maltarûi e chei dal for, fra oms e feminis (Pieri Menis, Une letare par Bepo)
Cfr. fornâs
-
s.m.
(fig.)
puest une vore cjalt:
Il cjalt no mole. O monti te machine che je un for (Sandri Di Suald, Ah! la provincie)
-
s.m.
(fig.)
bocje, soredut grande e vierte:
"Parcè dut chel vin?" […] "Par batiâ i coscrits, no?" al veve rispuindût Rico, slargjant la bocje intune sgavarade plene. "Siare chel for!" al veve bruntulât Dolfo (Gianni Gregoricchio, La clape)
-
s.m.
[TS]
gjeol.
landri che si vierç e che si slungje in sens orizontâl
Polirematichis e espressions idiomatichis
Proverbis:
- pe bocje si scjalde il for