finance
/-à-/
fi|nan|ce
[AF]
-
s.f.
il complès dai avês e des risorsis, spec. in riferiment a une grande struture:
prelêfs straordenaris dal guvier ai belançs dal Friûl-Vignesie Julie par fâ front aes dificoltâts de finance statâl (Roberto Pensa, Cavallo: «Il Stât che nus torni il malcjolt»)
-
spec. tal pl., cuantitât di bêçs che si à a disposizion, ancje a nivel individuâl, familiâr, di struture plui o mancul grande e v.i.:
chest pas nol sarà avonde par meti in sest lis financis une volte par dutis, ma i darà la conferme al consei di aministrazion che al covente slargjâ lis ativitâts produtivis de cooperative (Max Mauro, Un Friûl difarent: i 90 mhz di Onde Furlane)
-
s.f.
il complès des ativitâts di gjestion di un patrimoni o di une imprese economiche:
la machine produtive (simpri plui sotanade ae finance) e condizione lis sieltis politichis (Fabian Ros, La invenzion dal stât);
daspò di vê siervît cun onôr la cort di Viene in afârs di finance, si jere ritirât cuntune pension une vore buine (Pierluigi Visintin, Friûl e furlans te Histoire de ma vie di Giacomo Casanova)
-
il complès des personis che a lavorin in chest cjamp o dai podês che a àn influence su la situazion economiche di un teritori o ancje dal mont:
i Stâts, la economie e la finance a àn zuiât in chel istès sei tant che protagoniscj e motôrs che tant che ostacui e frens [pe integrazion europeane] (Marc Stolf, No son dome Grecie e confins. Il NPLD al propon une "road map" pes lenghis e pai dirits)
-
ministeri che al viôt de aministrazion dal patrimoni di un stât o di un teritori:
[il SNP] al à a vuê cinc ministeris tal esecutîf: finance, salût, educazion, justizie e ambient (Chiara Segrado, Elezions in Scozie: cussì il vôt)
-
[FÛ]
viôt intendence di finance
:
o soi stât a la finance e mi àn dit che bisugne che o pai (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.f.
viôt vuardie di finance
:
a pestavin tabac di troi par tabacâ: une misture tant buine che mai, cuntun fregul di cinise; le lassavin cualchi dì a «fâ il bol» tai veris platâts intune mede di stranc: par vie de finance! (Pieri Menis, Il «trono» dal von)