Dizionari de Lenghe Furlane

filet  /-èt/  fi|let  [CO]

1. s.m. element lunc e sutîl, soredut decoratîf o distintîf:  «Ûstu vê un piçul aument o un filet di plui su la barete?» (Vico Bressan, Scaiis - Il Strolic furlan pal 1975); un servizi di cjicaris cul filet di aur (Gianni Gregoricchio, Îr e doman)
2. s.m. [TS] anat. membrane che e unìs il sot de lenghe cu la base de bocje
3. s.m. [CO, TS] becj. tai di cjar preseât, une vore tenar, de schene des bestiis, soredut di vidiel, manç, purcit, che al corispuint al muscul psoas:  secont: vigjel e filet di purcit rustîts (Ario Cargnelutti, Il menù dal gustâ in companie)
   
   1. gastr. tai di cjar lunc e sutîl, di cualsisei part de bestie, ancje di pes:  cuinçâ la paste frede cun filets di sgombri (Margherita Timeus, Cuant che caprese e rîs ae greghe ti van fûr dai voi)
4. s.m. [TS] ecuit. furniment dal cjaval che si met in bocje tal puest dal smuars, formât no di une sole stangje come il smuars, ma di dôs stangjutis articoladis tal mieç:  il mio cjaval al va miei a filet che no a smuars (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Cfr. smuars , fren , fileton

Polirematichis e espressions idiomatichis

• no vê filet te lenghe loc.v.
• taiâ il filet loc.v.