Dizionari de Lenghe Furlane

festîf  fes|tîf  [BF]

1. adi. di dì o dade di timp, che e je di fieste, che no si lavore:  une limitazion des viertiduris des buteghis tes zornadis festivis (Redazion Radio Onde Furlane, Cumierç concertazion par vierzi tai dîs di fieste)
   Sin. dîs di fieste
2. adi. che al è pai dîs di fieste:  si publicà il Lezionari festîf [par furlan], cu la aprovazion de Congregazion pal Cult de Sante Sede (Roman Michelot, 40 agns di impegn pe lenghe e culture furlane)
   
   1. ancje di cdn., che al fâs servizi il dì di fieste:  al veve fat par agnorums in biciclete la strade di Lignan come capelan festîf (Antoni Beline, La fabriche dai predis)
3. s.m. zornade di fieste:  il museu si pues visitâ dal lunis ae sabide des 10 di matine a misdì e des 4 daspomisdì aes 6 sore sere, la domenie e i festîfs des 4 daspomisdì aes 6 sore sere (Erika Adami, Tal cûr dal domo di Udin la memorie dal Patriarcjât di Aquilee)
   Sin. dì di fieste