fatâl
fa|tâl
[CO]
-
adi.
che al è volût dal destin o dal câs:
la ultime part de nestre imprese e deventà un cjaminâ fatâl e destinât (Carlo Sgorlon, Il dolfin);
la mitologjie a rivuart di Rome e dal so imperi “fatâl” (Antoni Beline, Une libertât vuadagnade)
-
che al è volût dal câs, soredut in sens negatîf:
al à fat la denunzie di doi zovinis “Rizzi”. Cussì i carabinîrs a son rivâts di Felet a Plain par cirî i doi Rizzi. Ma i Rizzi a Plain no esistevin, a jerin invezit i doi fradis Rizzo che, câs fatâl, a vevin il stes an di nassite di chei doi fradis denunziâts (Max Mauro, Buchenwald 1944)
-
adi.
(ancje fig.)
che al à tant che efiet la muart o in câs la ruvine o la fin di alc:
[il gaelic irlandês] al gjolt di dutis lis crismis di une lenghe uficiâl ma tant e tant no si è fermade la sô decjadince fatâl a front dal anglês (Giorgio Faggin, Par che la lenghe e puedi florizâ);
o sin stâts responsabii di chês sieltis tra il 1992 e il 1993 di ritirâ il partît autonomist des istituzions. O vin fat un erôr fatâl par strache e delusion (Adrian Cescje, Memoriis di politiche linguistiche)
Sin. mortâl
-
adi.
(iperb., ancje scherç.)
che al à une intensitât di bielece, di atrazion, di incjant che no si pues resisti:
ere in chei biei voi splendôr fatâl (Ermes di Colorêt, I, 217);
sfrusin tor i voi par otignî l'efiet de cjalade fatâl sot la ale dal cjapiel (Emilio Nardini, La Signorine Mie)