fassine /-ì-/ fa|ssi|ne [CO]
-
s.f.
cuantitât di stecs dâts dongje e leâts insiemi, pal solit di brusâ:
cun permission, furlans, / o mi tiri in cusine / a brusâ une fassine: / une tace di vin, / po voi in jet e doman si vedarìn (Pieri Çorut, Il Strolic furlan par l'an 1841);
svelte la parone sofle cul soflet ta boris, met sul cjavedâl in strucjel une fassine e un dôs grampadis di scjelis (Dolfo Carrara, Ipocrisie, ipocrisie, el Signôr ti cjastie)
Sin. fassete
- ancje une fassine se e je ben leade e pâr une regjine
- ancje une fassine, ben vistude e pâr une regjine
- se si vistìs une fassine, e pâr une regjine
- vistìs une fassine, e somee une regjine; vistìs un pâl, al somee un gardenâl
