fassicul
/-ì-/
fa|ssi|cul
[CO]
-
s.m.
cuantitât di sfueis scrits o di scrivi leâts insiemi o dâts dongje:
un fassicul di uns cinc sîs pagjinis scritis, sfueis A4, cun stampante laser (Laurin Zuan Nardin, La conte)
-
publicazion formade di plui sfueis leâts insiemi, che e fâs part di une publicazion plui grande o di une serie:
o devi meti ca da pît une zonte ae variante de legjende Un paîs misteriôs, publicade nel tierç fassicul [de riviste Pagine friulane] di chest an (Luigi Gortani, Sant Pieri e la code da vacje);
a nassin a Gurize Le nuove pagine, diretis di Giovanni Lorenzoni (sîs fassicui tacant dal 1907) (Cristina Cescutti, Leterature furlane)
-
s.m.
cuantitât di documents che a àn a ce fâ cuntune stesse pratiche o cuntun stes argoment o individui o altri:
il riferiment miôr par capî cui che al jere Marchi, lu vin cjapant in considerazion il fassicul une vore penç, n. 58906, che i dediche il “Casellario Politico Centrale” cu la cualifiche di “Anarchico. Pericoloso” (Donato Toffoli, Lidrîs pal pinsîr autonomist)
-
complès dai documents di une stesse cause:
tal fassicul tignût tal archîf centrâl di stât, dulà che il judizi dai 4 alpins condanâts a muart al à il numer 522 / bis, nol esist nuie dal dibatiment, des testemoneancis, dai interogatoris (Edoardo Rosa, Cuintrierois par une cuintristorie ancjemò di scrivi e di contâ)