fasûl
fa|sûl
[AF]
-
s.m.
liùm produsût dal Phaseolus vulgaris:
une jote che no jere nancje parint di chê di done Catin: un brudiot cun pôcs fasûi, pocje coce, pôc lat (Luigi Gortani, La ospitalitât);
ce delizie chê mignestre di vuardi e fasûi (Pieri Somede dai Marcs, La spiarie);
Svualdine, la massarie anzianote, e finive di distrigâ i lavôrs po si sentave ancje jê, suntun bredul, a scussâ fasûi o a specolâ sorc (Maria Forte, Cjase di Dalban)
Var. fasuli
-
[TS]
bot.com.
non comun di plui speciis di Papilionaciis, in particolâr Phaseolus vulgaris:
ancje i fasûi bas bonorîfs si puedin semenâ su di un grum di ledan cjalt; cuant che varan pocjis fueis, ju traplantarês (Emilia Baldassarre, Ort e cusine)
Sin. fasularie
, fasulâr
-
s.m.
(zerg.)
student di paîs che al vîf in citât par lâ a scuele o te universitât:
un fasûl di ca sù, che l'ere a scuele a Udin, une volte che il plevan i domandà a dutrine: "Sêstu Cristian, tu?" al rispuindè: "Siôr no, i sei cjargnel, jo" (Luigi Gortani, Al marcjât di vile)
Proverbis:
- amôr di patrie nol è brût di fasûi
- ancje il Signôr al è dismontât di mus par cjapâ sù un fasûl
- ogni gote e cuince un fasûl