Dizionari de Lenghe Furlane

farse¹  far|se  [CO, TS]

1. s.f. teatr. in origjin, sene teatrâl popolâr, ancje comiche, che e faseve di polse jenfri senis di rapresentazions sacris o di liturgjiis, po deventade un gjenar teatrâl par so cont, intun at sôl, cul fin di fâ ridi il public, ancje in code di un altri spetacul:  dut al jere pront pe farse, ma clame ca, clame là, chel zovin che al veve di sostignî la part plui ridicule nol rispuindeve, e po al jere pôc ce dî, nol jere pussibil che un altri al podès fâ la sô part (Pieri Somede dai Marcs, In teatro)
2. s.f. (fig.) azion o situazion pôc serie, pôc dignitose:  o varìn une farse daûr la altre che a finiran cul mostrâ a dut il mont che nancje in Friûl il popul nol è preparât a direzisi di bessôl (Josef Marchet, Se e larà drete)