Dizionari de Lenghe Furlane

farinôs  fa|ri|nôs  [BF]

1. adi. che al à la consistence de farine, che al è come un polvar fin:  e jere za gnot, une nêf sute, farinose e veve scomençât a colâ, fisse fisse (Pieri Somede dai Marcs, Nardon e Vigjute di Nani); Niu al à tacada la mussa inta la grapa scuminsiant a grapâ, tignint un tic tirada la grapa par la cuarduta par che a no grapàs massa, che la cjera a era farinosa (Ovidio Colussi, Il pilustrât)
2. adi. di patate, coce o pome, che e à la polpe fisse, cun tant amit:  [varietâts di patatis] Imola, Kennebec, Virgo, Finka – a paste blancje, sutis e farinosis (Cinzia Collini, Cartufulis… dapardut!)