farc
farc
[AF, TS]
-
s.m.
zool.com.
piçul mamifar insetivar che al vîf sot tiere e che al sgjave galariis, lat.sient. Talpa europaea:
pensait che conven di rispietâ i farcs, se ben che cualchi volte e vuastin i semenâts, parcè che chestis besteutis e dan la cjace a mil insets (Emilia Baldassarre, Ort e cusine);
se [il cjan] al nase une pantiane / o un farc, oh, puars mai lôr! (Zuan Batiste Galeri, Il cjan)
Cfr. farcadice
, farcâ
-
(ancje fig.)
ancje in paragons o metaforis par segnâ che si fâs alc sot tiere o sot vie, o che si viôt pôc o nuie, o che alc al è neri, o ancje di cdn. che al è cjoc:
la veretât, come un farc, i sgjavave, tal cûr e tal pinsîr, lis sôs galariis di pene (Maria Forte, La tiere di Lansing);
ridusisi vuarp come un farc (Antoni Beline, La fabriche dai predis);
si ridusè neri di vuadolis tant che un farc (Renzo Balzan, Il danât Berlan);
plens come farcs, pal vin e la sgnapa che a vevin bivût a gratis dopo la nossa (Alberto Luchini, Pelandron)