etnic /è-/ et|nic [FO]
- adi. tipic di un popul o di un grup raziâl, ancje in contrast cun altris: te Grande Bretagne, dopo che la Irlande e à rivât adore di cuistâsi une vere indipendence politiche, la Cornualie, la Scozie e il Wals si fasin indenant a reclamâ il rispiet e il libar svilup de lôr lenghe, des lôr tradizions, des lôr carateristichis etnichis e culturâls (Josef Marchet, Europe regjonaliste); si à di ricognossi il valôr simbolic des peraulis, dal benstâ e dal malstâ, intes comunitâts di dulà che si ven o dulà che si vîf, rispietant lis diviersis apartignincis e lis multiplis identitâts linguistichis, etnichis e culturâls (Guglielmo Pitzalis, Rispietâ la diversitât)
- adi. che al è tipic di culturis o popui lontans: mode etniche; gastronomie etniche; ristorants etnics