estrazion /-òn/ es|tra|zi|on [CO, TS]
- s.f. miner. il gjavâ un materiâl di interès industriâl o economic di dulà che al è in nature par podêlu doprâ: estrazion de torbe pal riscjaldament (Adrian Cescje, Liniis di storie sociâl e economiche dal Friûl 1500 - 1800); vuadagns une vore alts, derivâts de estrazion dal petroli (Matteo Mazzolini, Autonomie energjetiche nol vûl dî autarchie)
- s.f. med. il gjavâ une part dal cuarp, un tiessût, un orghin o un element estrani dal cuarp: la estrazion di un dint
- s.f. [CO] il gjavâ alc a sorte: al çavarie dì e gnot / siôr Bernardin par cjapâ un terno al lot. / E si ben che Fortune / fin cumò lu à lassât a bocje zune,/ tant al riscje il ducât ogni estrazion (Pieri Çorut, Il Strolic furlan par l'an 1827)
- s.f. [CO] l'otignî alc midiant di un procediment: che il test dai vocabolaris al sedi su cjarte o su la pagjine eletroniche, si trate simpri di davuelzi une "estrazion" dai lemis (Adrian Cescje, Memoriis di politiche linguistiche)
- s.f. [CO] divignince o apartignince a di une cierte classe sociâl, a un ciert coletîf, a une cierte comunitât: la basse estrazion sociâl di Pellis e la sô apartignince al mont contadin di Flumisel (Ana Piorar, La Mitteleurope di Pellis); vêso valutât ancje la estrazion culturâl e professionâl dal public? (Sandro Lano, Ai furlans il cine ur plâs cussì)