estasi /ès-/ es|ta|si [CO, TS]
- s.f. religj., filos., psic. jessude de anime o dal jo dal cuarp o de sô cundizion normâl, in gjenar in contemplazion de divinitât, de veretât trassendente, o di se stes viodût dal difûr: in dutis lis culturis e in ducj i timps, e je la ricercje de estasi, ven a stâi la esplorazion - plui o mancul pericolose - des realtâts che a son difûr di nô (Franc Fari, Il cjâf dai furlans); chê estasi che in Schopenhauer e varà la funzion di une sospension momentanie dal domini de volontât e duncje di une sospension dute relative dal torment dal vivi (Fabian Ros, La art e lis sôs funzions)
- s.f. cundizion o sensazion di plasê straordenari o suprem o di serenitât straordenarie: mi à dât une lizere muardude te schene. O jeri li li par rivâ a la estasi! (Checo Tam, Sophia)
