estîf es|tîf [CO]
- adi. dal Istât, che si fâs di Istât, che al va ben di Istât, che si dopre di Istât, che al sucêt, al ven, al madrês di Istât e v.i.: Setembar: al comence il campionât… La lungje paralisi estive e je finide: cun vuê, la Italie e torne a presentâsi cul balon in man (Riedo Pup, Il Strolic furlan 1976); al doveve jessi vistût cuntune gjachete estive blu e une cjamese cu lis maniis lungjis (Sandri Di Suald, Ah! la provincie); e jere tradizion sù in mont, cuarante e passe agn indaûr, di lâ tes malghis a benedì i nemâi e i stalons. La funzion e vignive fate intant de stagjon estive, tor i ultins dal mês di Jugn (Carli Fabian, La benedizion des malghis)