esponût
es|po|nût
[AF]
-
p.pass., adi.
viôt esponi
, viôt esponisi
-
adi.
metût in mostre:
il spetatôr al pues viodi oparis plui e mancul cognossudis, ma ancje mai esponudis, tant che un ritrat in cuet dal pitôr roman Capogrossi (Erika Adami, Dino, Mirko e Afro Basaldella a Passarian)
-
comunicât in detai, in mût di podê jessi capît:
mi pâr che i fats esponûts a vedin bielzà stiçade la reazion di plui di cualchidun (Angelo Floramo, La cuintristorie de ocupazion veneziane)
-
che nol à ripâr, massime di alc di negatîf:
ognidun te vite al jere di bessôl, esponût a ducj i colps de fortune (Carlo Sgorlon, Ombris tal infinît);
chestis puaris popolazions di confin, che a son simpri in pericul, che a son lis plui esponudis a dutis lis batiduris e a ducj i berdeis internazionâi (Josef Marchet, E se no nus dassin la autonomie)
-
adi.
che al à cjapât un impegn o che al à di frontâ un impegn, spec. economic:
il plan economic de tierce corsie, dulà che la Regjon e je une vore esponude (Stefania Garlatti Costa, Cimpel-Glemone. La storie dal progjet)