espansîf es|pan|sîf [CO]
- adi. che al è caraterizât o che al à a ce fâ cuntune espansion, cuntune incressite, cuntun slargjament e v.i.: la fase espansive 1993-2001 e invie un aument fuart de domande di lavôr (Fulvio Mattioni, Il futûr dal Friûl: laude ae "no sotan" economy); chest procès, tant che intun zûc di domino, al puartarà in mût inevitabil ogni "citât" a chê stesse politiche espansive che si concretizarà intune vuere cuasi permanente (Fabian Ros, La invenzion dal stât)
- adi. che si pant, che al mostre a viert i siei sintiments, soredut cun mots e peraulis di afiet: "Al è ben alore che tu le visis di jessi mancul espansive…" (Pieri Piçul, Vieri e gnûf); i furlans, ancje se no son la int plui espansive di chest mont, in gjenar no àn prejudizis pai forescj (Bete di Spere, Furlans e imigrâts: un rapuart biel come une rose)