eretic
/-rè-/
e|re|tic
[CO]
-
adi.
di une eresie o des eresiis, di une interpretazion o des interpretazions dal cristianisim calcoladis faladis, aberantis e inacetabilis de glesie maioritarie:
un om al abiurave la sô crodince eretiche che i Agnui a vignissin jù dai viers (Fabian Ros, Voices in the dark)
Cfr. ereticâl
-
adi., s.m.
che, cui che al va o che al leve daûr di une di chês interpretazions:
la storie e je bon testemoni dai fûcs impiâts pai eretics, pai disubidients, e la Incuisizion e je une magle nere che nissun gjubileo nol po parâle jù (Antoni Beline, Liberâ il pape);
[Marcello De Stefano] une vore dongje dal teolic francês Teilhard de Chardin, considerât eretic dal Vatican (Angelo Floramo, Cuintristorie dal Nûfcent 1960-1970)
-
adi., s.m.
(fig.)
che, cui che si pues calcolâ opositôr e refudât di un sisteme dominant o maioritari:
in diviers câs, dopo de condane dal Cominform, a vevin poiât lis posizions "ortodossis" dal PCI e no chês " eretichis " dal PCJ (Raffaele Serafini, Contis sot spirt);
il libri, biel di viodi e plasevul di lei, al sgarfe tes peraulis dal inteletuâl eretic [Pasolini] e soredut tai lûcs de sô formazion leterarie (Marc Stolf, La utopie umane di Pier Paolo Pasolini)