eresie
/-ì-/
e|re|si|e
[CO, TS]
-
s.f.
religj.
concezion religjose minoritarie e calcolade falade, false e pericolose de comunitât maioritarie:
[il pape] al fâs di dut pûr di brigâ par vê al so servizi la spade di Cunipert, stiçant une sô sielte religjose fedêl a Rome e contrarie ae eresie ariane (Angelo Floramo, In chê dì. 10e pontade)
-
declarazion che no va daûr de fede religjose ortodosse, maioritarie:
corevin za tancj agns di bocje in bocje / lis predicjis furlanis dal plevan / di Sant Jacum, famôs in stramberiis, / che, in buine fede e sempliç, / cuant che al meteve a man / la spine dai esemplis, / al rasintave fin lis eresiis (Emilio Nardini, Lis predicjis dal plevan di Sant Jacum)
-
s.f.
(fig., iperb.)
declarazion o esclamazion ofensive cuintri di une religjon o di une divinitât:
sence dî une avemarie, / coris drets in ostarie; / zûc di more, di tressiet, / corpo… sango… maledet… / eresiis, peraulis socis… / co a 'nd è in cuarp un pâr di bocis / vês bisugn di barufâ (Pieri Çorut, Il Strolic furlan par l'an 1848)
Sin. blesteme
Var. resie
-
s.f.
(fig.)
idee o declarazion o azion che no si pues condividi o acetâ:
puartâ lis lenghis locâls intes scuelis al someave scuasit une eresie (Laura Lazzara, Timp plen a Tamau-Cleulis)
Sin. blesteme
