energjetic /-gjè-/ e|ner|gje|tic [CO]
- adi. de energjie, che al à a ce fâ cu la energjie, che al prodûs o al trasmet energjie e v.i.: la conversion energjetiche intune cele e compuarte une produzion di entropie causade dai fotons (Lorenzo Marcolini, Lis celis organichis nanostruturadis); dut chest al domande infrastruturis, politichis agriculis, ambientâls e energjetichis, intun sisteme integrât e armonic (Antoni Beline, Rifondâ l'implant regjonâl); a son stâts numerôs in chescj agns i incuintris istituzionâi e tecnics par potenziâ la rêt energjetiche regjonâl intune vision europeane (Daniele Martina, Alessandro Ortis premiât a Bertiûl)
- adi. di sostance che e stimole e e ricree l'organisim, che e da fuarce: i austriacs a son campions dal mont par ce che al rivuarde il consum di bevandis energjetichis (Janez Erat, Ce bevino i austriacs?)