emigrazion
/-òn/
e|mi|gra|zi|on
[FO]
-
s.f.
moviment di personis che, dal puest li che a son nassudis o li che a son a stâ, a van intun altri, par motîfs economics, professionâi, politics e v.i.:
zonis di mont e di campagne, caraterizadis di fenomens tant che emigrazion, sotdisvilup e presince di servitûts militârs (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât);
tra Vot e Nûfcent Austrie e Gjermanie a son lis metis par ecelence de emigrazion furlane (Matteo Ermacora, La emigrazion furlane in Austrie e in Gjermanie);
i disocupâts a jerin 70.000, la emigrazion stagjonâl no cjatave sbroc inniò (Carli Pup, La seconde Irlande);
Fausto al lotà pal lavôr dai Furlans, cuintri de emigrazion, pe Universitât furlane, pe Regjon Friûl separade di Triest, che e varès vût di vê la sô autonomie, une altre autonomie (Adrian Cescje, Tal non di Fausto Schiavi)
Sin. migrazion
-
s.f.
[TS]
econ.
grant trasferiment di capitâi tal forest