eletronic
/-ò-/
e|le|tro|nic
[AF]
-
adi.
dai eletrons:
chestis "ondis di cjarie" a son variazions, piçulis ma impuartantis, de cjarie eletroniche dentri di un cristal (Cristina Minuzzo, Gotis di sience 1)
-
adi.
che al dopre corints di eletrons:
si metè a cjalâ il tabelon, che cuntun sisteme eletronic al dave indicazions sui trens, oris e binaris (Agnul di Spere, In viaç di domenie);
il puarton eletronic al à tacât a vierzisi di bessôl, biel planc (Ivano Urli, Il progrès)
-
de eletroniche, de sience e de tecniche che a studiin e a aplichin lis proprietâts dai flus di eletrons e dai aparâts che a funzionin in graciis di chês proprietâts:
si è laureât in inzegnarie eletroniche tal Politecnic di Turin (Redazion il Diari, Ve ca la scuadre dal gnûf retôr)
-
de tecnologjie digjitâl, che al funzione in graciis de tecnologjie digjitâl:
salacor ducj chei che a àn doprât fin cumò il dizionari eletronic che al è logât su Internet no sintaran bisugne di cjoli la edizion su cjarte (Walter Tomada, Une anade buine pal Furlan)
Sin. digjitâl
