elastic
/-à-/
e|las|tic
[AF]
-
adi.
che al à la proprietât di podê cambiâ di forme e di dimension cence rompisi, daûr de aplicazion di une fuarce, e di tornâ ae sô forme e dimension origjinarie cuant che chê fuarce no ven plui aplicade:
doi tirants elastics (cuntun diametri di 5 centimetris, che in massime tension si strenzin fin a 2) (Marta Vezzi, Ai 14 di Setembar dal 2014 un svol pai 100 agns di Arturo Silverio Grup "Niu des striis" di Trep di Cjargne)
-
s.m.
ogjet, spec. filament o anel, che al à chê proprietât:
cu la mude e lis scarpis gnovis che a criçavin a ogni pas e la golarine cul elastic che i strenzeve un fregul il gargat (Roberto Ongaro, Cretevierte)
Var. lastic
, astic2
-
adi.
(fig.)
che al è bon di adatâsi o di jessi adatât a diviersis situazions:
in Friûl e je la imprese piçule e cheste impostazion imprenditoriâl e risulte plui elastiche e e reagjìs miôr di une grande industrie devant de crisi (Christian Romanin, Sandra Pizzolitto Pupatello: «Furlan is better! Il Friûl? La puarte de Europe pal Canadà»);
il cerviel dal frut esponût a stimui linguistics diviers al è une vore plui elastic (Sonia Sicco, Il bilinguisim al è un vantaç)
Sin. flessibil