editoriâl e|di|to|ri|âl [AF]
- adi. de editorie, dai editôrs: i titui dâts ae stampe a son plui di dusinte, e chest al fâs de Kappa Vu une des realtâts editoriâls plui prolifichis, impuartantis e di lungje vite de regjon (Sara Palluello, 30 agns di Kappa Vu); la conte, tal marcjât editoriâl in Friûl come in Italie, no vent (Raffaele Serafini, No varès di jessi une cuistion di misuris)
- s.m. [CO, TS] gjorn. articul di gjornâl, stampât intes primis colonis de prime pagjine di un gjornâl, che al pant ideis o indreçaments politics che a ispirin o che a son condividûts dal gjornâl stes: l'editoriâl dal numar dal 17/11/46 si intitule "La fuarce dal nestri lengaç" e al dâ une sclaride su chê che e je la idee di lenghe par chei de Patrie (Max Mauro, Felix Marchi e il sium dal furlan-furlan)