eclesiastic /-à-/ e|cle|si|as|tic [CO]
- adi. de glesie, che al rivuarde la glesie e i siei components, che al è part o espression de glesie e v.i.: paris de glesie e scritôrs eclesiastics a fevelin di un dai Dodis che al à predicjât tes tieris di Ocident (Antoni Beline, Sant Jacum, là che al finìs il mont); i princips luterans a assumin cussì il control de organizazion eclesiastiche (Fabian Ros, La invenzion dal stât)
- s.m. cui che al à une funzion di apostolât o che al à cjapât un vôt jentrant te organizazion de glesie: i nobii, i eclesiastics e i proprietaris di dirits feudâi a vevin dirit al pensionatic, ven a stâi a podevin puartâ di Invier sui cjamps vierts lis pioris che a jerin stadis in mont vie pal Istât (Adrian Cescje, Liniis di storie sociâl e economiche dal Friûl 1500 - 1800); no puedin jessi elets sindic tal teritori dulà che a esercitin il lôr ufici i eclesiastics e i ministris di cult (Christian Romanin, Friûl austriac, tiere di predis politics)
- s.m. [TS] religj. soredut cun iniz. maiusc., sest libri dal Deuteronomi: "Par un pôc di timp al dovarà sofrî cun paziença, e po dopo sarà consolât". L'è l'eclesiastic che fevela cussì, e un libri sant a no fala (Federigo Comelli, Il me paîs); al è scrit intal Eclesiastic: "Vinum in iucunditate creatum est!" (Arturo Feruglio, Un grop sul stomi)