domenie
/-mè-/
do|me|ni|e
[FO]
-
s.f.
ultime dì de setemane, jenfri sabide e lunis, che te culture cristiane e je dì di fieste e di polse:
la domenie, tornant di Messe, si fermave ta l'ostarie (Maria Forte, Il Bide di Miot);
Agnul, racomandii a Anzuline di vignî jù cui fruts, domenie, che o fasìn i macarons (Maria Forte, Cjase di Dalban);
Une domenie la compagnie e veve decidût di lâ fin al lât di Cjavaç (Alan Brusini, Par stradis lungjis);
le cjantave cun nô ancje il capelan in domenie sere al ricreatori e ce ridadis (Pieri Somede dai Marcs, Il prossim);
lis partidis e lis barufis de domenie a discjariin dutis lis rabiis (Riedo Pup, Balon: crodi, ubidî e paiâ)
Var. indomenie
Polirematichis e espressions idiomatichis
Proverbis:
- a ridi di vinars, si vai la domenie
- cuant che il soreli la joibe al va tal nûl, domenie al plûf sigûr
- cuant che la joibe il soreli al va tal sac, no ven domenie che nol peti un vuac
- cui che al gjolt la domenie al vaiarà di lunis
- cui che al rît di vinars al vai di domenie
- cui che al vûl gjoldi di domenie che al sparagni la sabide
- cui che di lunis nol fâs tant che di domenie nol è nassût di buine femine
- fraie di domenie, stentâ di lunis