dogme /dò-/ dog|me [CO, TS]
- s.m. religj. principi religjôs no dimostrât ma cjapât tant che veretât che no si pues meti in discussion se si vûl fâ part di une comunitât religjose: no isal pussibil, alore, cjatâ une altre forme che chê da imposizion, dal dogme, dal pecjât? Parcè lis politichis e lis glesiis (ma ancje lis siencis, des voltis) nus tratino simpri come dai fruts di compagnâ par man te juste strade? (Stiefin Montel, Manuâl critic pal ort)
- s.m. (fig.) principi imponût cun fuarce o acetât cence discussion, ancje fûr de vite religjose: il vôt scozês al dimostre che il dogme de impussibilitât di tocjâ i confins di stât al è colât aromai ancje te Europe ocidentâl (Carli Pup, Catalogne e Scozie: la oportunitât par une Europe divierse)
