dissociazion /-òn/ di|sso|ci|a|zi|on [CO]
- s.f. separazion di elements che a jerin associâts, leâts, unîts: chest ultin "cuart di ore" de nestre storie e à puartât a une dissociazion fra om e ambient mai cognossude tai secui passâts (Antoni Beline, Tiere: lûc dal cuarp e de anime)
- s.f. [TS] psic. sospension o mancjance di associazion psicologjiche e logjiche: i fruts piçui a son bogns di fevelâ prime di jessi bogns di visâsi des robis che i son sucedudis. Cheste dissociazion si à parcè che i ricuarts cussients a vegnin metûts te scuarce associative dal cerviel, in puescj che a scomencin a madressi dome daspò i trê agns (Franc Fari, Il cjâf dai furlans)