dispersion /-òn/ dis|per|si|on [CO]
- s.f. azion e efiet dal dispierdi o dai dispierdisi, dal slontanâ o dal slontanâsi di plui elements che prime a jerin dongje, soredut in maniere disordenade: l'Invier al è biel parcè che al tire dongje la famee dopo de grande dispersion [dai emigrants stagjonâi] (Antoni Beline, Stagjons dal an e de vite. Invier); la dispersion dal polin intal aiar (Silvia Battaglia, La mangjative di Frankenstein?)
- s.f. implei pôc concentrât di risorsis, fuarcis, mieçs o personis, che al fâs che al sedi dificil rivâ a un risultât: coordenâ i intervents, evitant soreposizions e dispersions di fonts (Piero Cargnelutti, Un sburt fuart pal restaur e pal recupar des oparis di art e dai bens architetonics)
- s.f. pierdite, dilunc di une procedure, di une trafile, di un passaç e v.i., di elements, fuarcis, materiâl, energjie e v.i.: la dispersion energjetiche leade al moviment de energjie inte rêt (Cristina Minuzzo, Gotis di sience 1)