dispedoglâsi
dis|pe|do|glâ|si
[CO]
-
v.pron.intr., v.pron.tr.
gjavâsi i pedoi, liberâsi dai pedoi:
e cussì, lant a vore dodis oris in dì e chês altris dodis durmî, dispedoglâsi, sacraboltâ, lavâ […] a passarin lis setemanis e i mês (Bepi Zampar, Diari di presonie)
Sin. spedoglâsi
-
(fig.)
cjatâ une soluzion dai problemis che si à:
cui puedial condanâ - in buine fede - un popul ancjemò avonde san, se al domande di provâ a rangjâsi di bessôl, a dispedoglâsi, a curâsi des sôs duliis cul so cjâf […]? (Josef Marchet, Il fiar dal ciroic)
