disfredâsi
dis|fre|dâ|si
[AF]
-
v.pron.intr., v.pron.tr.
pierdi calôr, lâ jù di temperadure:
Zuan Batiste nol è ancjimò tornât a cjase. El 'suf si disfrede, te scudiele (Arturo Feruglio, I stivâi di Zuan Batiste);
la gnot, za frescje, si disfrede planc a planc (Mario Martinis, Il grant lunari dal Friûl. Setembar)
Sin. sfredâsi
-
v.pron.intr.
cjapâ frêt e vê par chel nâs sierât e in câs tos, fiere e v.i.
Sin. costipâsi
, sfredâsi
, rafredâsi
-
v.pron.intr.
[CO, TS]
sport
vê il cuarp che, dopo di vê fat ativitât fisiche, al devente mancul reatîf par une polse masse lungje:
o jeri lât a cori pes stradelis là vie bande il puint e lu ai becât li, dulà vâstu i ai dit e o soi fermât un moment, no tant, par vie che no volevi disfredâmi… (Laurin Zuan Nardin, Il cop)
-
v.pron.intr.
(fig.)
pierdi alc che si pues paragonâ cul fûc, cul cjalt, tant che passion, convinzion, interès, vivôr, rabie e v.i.:
"Mario nol è chel che al someave e jo o soi tentade di crodi che mê mari, furbe come che je, lu vedi capît tal caratar miôr e prime di me…" "Si disarès cuasi che tu ti sedis disfredade cjo…" (Bruno Paolo Pellarini, L'anel striât);
prime che si disfredi la fantasie (Giovanni Gortani, Trê Rafaei in jerbe)
