dicotomie /-mì-/ di|co|to|mi|e [CO, TS]
- s.f. [TS] filos. division in dôs parts in oposizion tra di lôr: o disarai dome che il "leitmotif" di chest libri si podarès indicâ te bilateralitât dal çurviel e tes dicotomiis de psiche umane, che si tradusin intun apel dopli e complementâr a la reintegrazion dal individui e a la molteplicitât des culturis (Mario Turello, Se il çurviel al è bilaterâl)
- s.f. (fig.) oposizion jenfri doi elements, doi aspiets, dôs componentis: la gnove direzion e puarte indenant chel procès bielzà inviât di cualchi an, vâl a dî di meti adun la dicotomie storiche di Onde Furlane: radio furlaniste vie pal dì e radio zovanîl alternative vie pe gnot (Max Mauro, Un Friûl difarent: i 90 mhz di Onde Furlane)