dialic
/-à-/
di|a|lic
[CO]
-
s.m.
fevelade, resonade jenfri doi o plui di lôr:
Jacop si intanà insom dal magazen, par lassâju sfogâ la lôr barufe, ma a businavin cussì tant che al sintì dut il dialic (Raffaele Serafini, Contis sot spirt)
Sin. cjacarade
, conversazion
, fevelade
-
s.m.
scambi di ideis, opinions e v.i., spec. cul fin di cjatâ un acuardi:
la Gjermanie, completade la unitât dal popul todesc, e veve licenziât Otto von Bismark che al preferive il dialic e il compromès ai canons (Angelo Floramo, Cui aial copât Franz Ferdinand?);
la colaborazion e burìs fûr dal dialic e dal confront (Oscar Puntel, Il president di Efasce: cumò miôr un moment di polse, ma disponibii al dialic)
-
s.m.
part di un test leterari, teatrâl, cinematografic e v.i., fat di un scambi di batudis jenfri doi o plui di lôr:
il film al presente tal so complès pôcs dialics, cuasi a mostrâ la impussibilitât di comunicazion (Fabian Ros, Il cine di Jordi Cadena)
-
composizion scrite in forme di cjacarade jenfri dôs o plui personis:
[Catarine Percude] no à scrit gruessis robis pal teatri furlan, dome dialics, ma cuntune scriture gnove (Bepi Agostinis, Storie e cronistorie dal teatri in Friûl)