Dizionari de Lenghe Furlane

diacun  /-à-/  di|a|cun  [CO, TS]

1. s.m. ecl. tes primis comunitâts cristianis, cui che al judave un apuestul o la vuide di une comunitât:  Ermacure, prin vescul di Aquilee, e Furtunât so diacun, cul sacrifici de lôr vite a àn plantade chenti la prime comunitât cristiane fondade sul amôr, sul servizi, sul vanzeli (Roman Michelot, Sagre dal Patriarcjât)
   Var. diacul
   
   1. cui che al è ministri religjôs te glesie catoliche, di nivel sot di chel di predi:  al à passât un an in Sudameriche tant che diacun, e intune interviste al veve declarât che la motivazion che lu veve fat deventâ predi no jere une cuistion di fede, ma sociâl, par podê judâ chei che a àn plui bisugne (Barbara Cinausero, Un vescul gnûf in Carinzie: al è Josef… Marketz)
   2. tes glesiis protestantis, laic che al viôt de aministrazion dai bens de glesie e de beneficence